У рамках Дзяржаўнай праграмы “Культура Беларусі” на 2011-2015 гады ў горадзе Гродна 12-14 кастрычніка 2012 года будзе прахадзіць першы Нацыянальны форум “Музеі Беларусі”. Форум праводзіцца ў мэтах падтрымкі музейнай справы ў Рэспубліцы Беларусь, стымулявання творчых ініцыятыў, заахвочвання музейных работнікаў, якія ўнёслі значны ўклад у вывучэнне, захаванне і папулярызацыю культурных каштоўнасцей, прыцягнення ўвагі шырокіх колаў грамадства да шматграннасці музейнай дзейнасці.

У рамках форуму праводзяцца: прэзентацыя экспазіцыі форуму, конкурс “Музеі Беларусі – трэцяму тысячагоддзю”, навукова-практычныя семінары, круглыя сталы і іншыя мерапрыемствы. Больш падрабязна глядзіце ў раздзеле Інфармацыя.

Таксама інфармацыю аб форуме глядзіце ў артыкуле "Форум у горадзе-музеі" ў газеце "Культура" № 20 / 1043 за 2012-05-19.

Інфармацыю па арганізацыйных пытаннях правядзення форуму (акрамя пытанняў па конкурсу "Музеі Беларусі - трэцяму тысячагоддзю") можна атрымаць у Гродзенскім гісторыка-археалагічным музеі, звярнуўшыся па е-mail: grodno_museum@tut.by (з адзнакай: ФОРУМ "МУЗЕІ БЕЛАРУСІ").